မင်္ဂလာပါ။ အခုရက်ပိုင်းတော့ စာရေးဖို့ အတော်လေး ပျင်းနေပြန်သည်။ စာရေးတာတစ်ခုတည်းပျင်းတာလားဆိုတော့ မဟုတ်ပြန်။ ဘာမှမလုပ်ချင်လောက်အောင်ပျင်းနေသည်။ မပျင်းတာဆိုလို့ Hiveစျေး အတက်အကျကြည့်တာတစ်ခုသာ ရှိသည်။
အခုရက်တွေမှာ Hive စျေးကလည်း တက်မလိုလိုနှင့် ပြန်ကျသွားပြန်သည်။ 0.26 0.27ဝန်းကျင်မှ 0.23ဝန်းကျင်အထိ ကျသွားပြန်သည်။ သူ့ခမျာ 0.27 ဝန်းကျင်လေးရောက်အောင် မနည်းအားတင်းတက်ထားရတာကို စျေးကျတော့လည်း အနီရောင် အတန်းလိုက်ကြီး ထိုးကျသွားရသည်။
မိမိမှာတော့ စောင့်သာကြည့်နေရသည်။ ကြည့်ရုံသာ ကြည့်ရသည် ဘာမှ လုပ်သည်တော့ မဟုတ်။ အနီ အစိမ်းထိုင်မှတ်ရုံသာ။ နီသွားလိုက် စိမ်းလာလိုက်။ စျေးတက်လိုက် ကျလိုက်။ Hiveစျေးကို ကြည့်ပြီး တွေးမိတာက လောကဓံကို ဖြစ်သည်။ နိမ့်လိုက် တက်လိုက်။ နီလိုက်ဘစိမ်းလိုက်။ အော်... ဘဝတစ်ခုပါဘဲလား Hiveရယ်။
