ဒီနေ့ penguin လေးတွေကို စက္ကူခေါက်ခြင်းဖြင့် ပြုလုပ်ထားပါတယ်။ ထိုတစ်ခုစီအတွက် စက္ကူအရောင်နှစ်မျိုးကို အတူတကွ ကော်ကပ်ပြီး ပြုလုပ်ရတာပါ။ origami penguin တွေကိုတော့ တစ်ခါမှမပြုလုပ်ဖူးပါဘူး။ သူတို့အတွက် စက္ကူဘယ်လိုခေါက်ရမလဲဆိုတာ ပုံများဖြင့် အဆင့်ဆင့်ဖော်ပြထားသလို စာလည်းရေးထားပါတယ်။ လိုအပ်တာတွေက ရောင်စုံစက္ကူ၊ကတ်ကြေး၊ကော်၊ခဲတံ၊ပေတံစသဖြင့်ပါ။
ပထမအဆင့်မှာ အဖြူနဲ့အနက်ရောင်စက္ကူတွေပေါ်မှာ 15cmတိုင်းတာပြီး အလျားအနံတူညီစွာဖြတ်ပါတယ်။ ထိုစက္ကူအရောင်နှစ်မျိုးကို အတူတကွကော်ကပ်၍ တစ်ဝက်စီနှစ်ကြိမ်ခေါက်ပါတယ်။ အနားနှစ်ဘက်ကို အလယ်မျဥ်းသို့ခေါက်၍ ထောင့်တစ်ခုကိုအလယ်မှတ်သို့ခေါက်ပြီး ထိုထောင့်ကိုနောက်တစ်ကြိမ် တစ်ဝက်ထပ်မံခေါက်ရမှာပါ။ ထိုနေရာမှအနားနှစ်ဘက်ကို အလယ်သို့ခေါက်၍ သူတို့ကိုပြန်ဖြန့်ပြီး ထိုအနားနှစ်ဘက်ကို တစ်ဝက်စီထပ်မံခေါက်ရမှာပါ။ အခြားတစ်ဘက်မှ ထောင့်ကိုလည်း အလယ်မှတ်သို့ခေါက်၍ ထိုစက္ကူကို တစ်ဝက်ခေါက်ပါတယ်။ ဘေးဘက်အနားနှစ်ခုကို အလယ်သို့ပုံအတိုင်းခေါက်၍ သူတို့ကို အပြင်ဘက်သို့ပြန်ခေါက်ပါတယ်။ အောက်ခြေမှ အစွန်းနှစ်ခုကိုခေါက်၍ ထောင့်နှစ်ခုကိုလည်းအနည်းငယ်စီခေါက်ပါတယ်။ မျက်လုံးတွေကိုဆွဲပြီး အောက်ခြေမှအစွန်းနှစ်ခုကို ခြေထောက်လေးတွေအဖြစ်ခေါက်ရမှာပါ။
နောက်တစ်ခုကို အပြာနဲ့ အဖြူရောင်စက္ကူကိုအသုံးပြု၍ခေါက်ပါတယ်။ သူတို့က တကယ့်ကိုချစ်စရာကောင်းပြီး၊ နှစ်သက်စရာပါ။ ပုံလှလှလေးတွေလည်းရိုက်ထားပါတယ်။
December 29, 2023
Written by @asterkame
By my photos & made by me
