ဒီနေ့ တကယ့်ကိုလှတဲ့ paper wall decor တစ်ခုပြုလုပ်ထားပါတယ်။ ဒီတစ်ခုအတွက် ပန်းများ၊ သစ်ရွက်များ၊ တြိဂံပုံစံကတ်ထူတစ်ခုနဲ့ စက္ကူအလိပ်များပြုလုပ်ရန်လိုအပ်ပါတယ်။ ဒါကိုဘယ်လိုပြုလုပ်ရမလဲဆိုတာ ပုံများဖြင့် အဆင့်ဆင့်ဖော်ပြထားသလို စာလည်းရေးထားပါတယ်။ လိုအပ်တာတွေက ရောင်စုံစက္ကူ၊ကတ်ကြေး၊ကော်၊ခဲတံ၊ပေတံ စသဖြင့်ပါ။
ပန်းများအတွက် အလျားအနံတူညီတဲ့စက္ကူအပိုင်းများဖြတ်၍သူတို့ကိုအဆင့်ဆင့်ခေါက်ရမှာပါ။ ထိုစက္ကူခေါက်ပေါ်မှာ ပုံအတိုင်းဆွဲ၍ ဖြတ်ပါတယ်။ ပွင့်ဖတ်တစ်ခုစီမှာလည်း အနည်းငယ်စီဖြတ်ရမှာပါ။ ထိုပန်းတစ်ပွင့်စီကို အနည်းငယ်စီဖြတ်၍ ကော်ပြန်ကပ်ပါတယ်။စက်ဝိုင်းပုံစံအနက်ရောင်စက္ကူအပိုင်းများကိုပြုလုပ်၍ထပ်မံကော်ကပ်ပါတယ်။
သစ်ရွက်အတွက် အစိမ်းရောင် စက္ကူအပိုင်းများကိုပုံအတိုင်းဖြတ်၍ သူတို့ရဲ့အနားတွေကိုဆွဲဆန့်ရမှာပါ။ ထိုတစ်ခုစီကို ခေါက်၍ကော်ကပ်ပါတယ်။
ဒီအဆင့်မှာ ကတ်ထူကိုတြိဂံပုံစံဖြတ်၍ ခရမ်းရောင်စက္ကူဖြင့်ကော်ကပ်ပါတယ်။ လိမ္မော်ရောင်စက္ကူအလိပ်များကိုလည်းပြုလုပ်၍ ထိုကတ်ထူနဲ့ ဆက်ရမှာပါ။ သူတို့ကို ပုံအတိုင်း အဆင့်ဆင့်ကော်ကပ်ပြီး ပိုနေတဲ့အစွန်းတွေကိုဖြတ်ရမှာပါ။ သစ်ရွက်များကို ကတ်ထူရဲ့အနားတွေမှာကော်ကပ်၍ ပန်းများကိုလည်းဆက်လက်ကော်ကပ်ပါတယ်။
ထို wall decor ကအရမ်းလှတာကြောင့် တကယ့်ကို နှစ်သက်စရာပါ။ ပုံလှလှလေးတွေလည်းရိုက်ထားပါတယ်။
February 3, 2024
Written by @asterkame
By my photos & made by me
