This topic really weak me. When I hear it, I pause. I close y eyes and imagine the pain of such a choice. A big pandemic dey worry the whole world, and scientists come trace the only cure to my one and only child. Then they tell me say if I allow them take my child, the world go be saved but me, I no go ever born again.
Omo, this one pass exam. This na one serious moral dilemma.
My child the one wey I carry for 9 months, push out with sweat and blood, sing lullaby to, watch grow day by day. That child wey call me “mummy” with so much love, wey dey hug me tight when I dey tired from life. Now I go just give am away? Just like that?
Honestly, I no go lie my first answer na no. I go hold my baby tight and beg them to look for another way. The love of a mother too deep. Nobody fit truly understand am unless you be mother yourself. Giving up my child go break me. I no even sure say I go survive that kind heartbreak.
But then again, I go dey hear the cry of the world. Millions of people dey suffer. Families dey bury loved ones. Children dey cry for help. If I no do anything, I go feel guilty every time I see news. I go dey ask myself: “So because of me, all these people die?”
That’s the hard part. Choosing between personal love and global good. Between your own child and every other person’s child.
I fit cry from morning till night, pray and hope say God go show another way. But if nothing come, if all fingers still point back to my child,
will I do?
I think deep down, I go ask God for strength. I go explain to my child, hold them close and kiss their forehead, and with tears in my eyes, I go make the hard choice not because I want to, but because I believe sometimes, love means sacrifice
.
https://images.ecency.com/p/W5LtFUPm6g73GywJLc4qya717jY4hemJ4yGThw4X7kr7ctVtum2HuiTwbCg4zezrgJgFTTyBX45J7CTVb8CKLU4qC2pSYVdZ9g8FKcCHXCsQ4cgQwc8tPjbDWjZi8XVpa6Uovkc6ym8yRtnW7bcM5JKQCGVvE.webp?format=webp&mode=fit
Still, I pray make I never reach that point. This kind pain no dey ever leave. Even if the whole world hail me as a hero, my heart go still dey bleed every day.
This kind topic just show say life no be black and white. Some decisions get no clear right or wrong. But I believe say whatever choice a person make in that moment, as long as it come from love, we no suppose judge them.
May we never face this kind test in real life. And may love always guide our hearts even when the road no clear.
