အားလုံး မင်္ဂလာပါ
နှစ်ဟောင်းကုန်လို့ နှစ်သစ်တစ်ခု ထပ်ပြီးရောက်လာပါပြီ။ နှစ်ဟောင်းမှာ အရှုံးပေါ်ခဲ့လား ၊ အမြတ်ထွက်ခဲ့ရဲ့လား။ စီးပွားရေးသမားဆိုရင် စီးပွားတွက်တွက်မယ်ထင်ပါတယ်။ ကျွန်တော်ကတော့ လောကီ လောကုတ္တရာ နှစ်မျိုးလုံးမှာ ကိုယ့်ကိုယ်ကို ပြန်သုံးသပ်မိတာတော့ရှိပါတယ်။ နှစ်ဟောင်းကို ပြန်ပြီးသုံးသပ် သင်ခန်းစာယူဖို့လိုတယ်ဆိုပေမယ့်၊ နှစ်သစ်ကို ဘယ်လို ကုန်ဆုံးမလဲ ၊ ဖြတ်ကျော်မလဲ ဆိုတာကပိုအရေးကြီးတယ်ထင်ပါတယ်။
စိတ်မှာပိတ်ဆို့နေတာတွေ
ကျွန်တော်တော့ နှစ်သစ်မှာ ကိုယ့်စိတ်ထဲမှာ ပိတ်ဆို့နေတဲ့ အရာတွေကို ရှာဖွေဖယ်ရှားဖို့ ရည်ရွယ်ထားပါတယ်။ စိတ်မှာ ပိတ်ဆို့နေတဲ့အရာဆိုတာဘာလဲ၊ ဘယ်လို ဖယ်ရှားမလဲဆိုတာကတော့ မေးစရာပါပဲ။ စိတ်မှာပိတ်ဆို့နေတဲ့အရာဆိုတာကတော့ ကိုယ့်ကိုလွတ်လပ်ဖို့၊ ပျော်ရွင်စေဖို့ ချုပ်ထားတဲ့အရာတွေကို ပြောချင်တာပါ။ ဥပမာ အမုန်းတရားက ကိုယ့်စိတ်ထဲရှိနေရင် ပျော်ရွင်မှုက ဝင်လာနိုင်မှာမဟုတ်သလို၊ ဒီအမုန်းတရားကပဲ ကိုယ့်စိတ်နဲ့ ကိုယ့်အချိန်တွေရဲ့ တစ်စိတ်တစ်ဒေသကို နေရာယူနေမှာပါ။ ကိုယ်က ဒီ အချုပ်အနှောင်ကနေလွတ်နိုင်မှ စိတ်ကပေါ့ပါးလွတ်လပ် ပျော်ရွင်လာမှာဖြစ်ပါတယ်။
ဒီနေရာမှာ အမုန်းတရားလိုမျိုး ဒေါသလိုမျိုးကျတော့ သိသာ မြင်လွယ်နေပါတယ်။ ပြင်ပရုပ်ပိုင်းဆိုင်ရာမှာပေါ်လွင်လို့ပါ။ တစ်ချို့စိတ်မှာ ပိတ်ဆို့နေတဲ့အရာတွေက သတိထားမိဖို့မလွယ်ကူတာလေးတွေလဲ ဖြစ်နိုင်ပါတယ်။ စိုးရိမ်ခြင်း၊ စိုးရွံ့ခြင်း၊ စိတ်ပူခြင်း စတာတွေကလဲ စိတ်မှာ ပိတ်ဆို့တတ်တဲ့ အရာလေးတွေက တစ်ခါတစ်လေသတိထားမိပဲရှိတတ်ပါတယ်။ တစ်ဘက်လူကို မချီးကျူးနိုင်တာ မုတိသာမပွားနိုင်တာ မနာလိုနေတာမျိုးလဲ သတိမထားမိပဲ ကိုယ့်စိတ်ကို ပိတ်ဆို့စေတဲ့ အရာတွေပါ။ ပိတ်ဆို့ပုံတွေက တစ်ယောက်နဲ့တစ်ယောက် တူမှာမဟုတ်လို့ ကိုယ့်ကိုယ်ကို သတိထားကြည့်မှ တရားထိုင်ကြည့်မှ သိနိုင်တာတွေပါ။
ပိတ်ဆို့တာတွေကို ဘယ်လိုရှင်းမလဲ
သတိ၊ ဥပက္ခါ နဲ့ ရှင်းရမှာပါ။ စိတ်မှာ ဒေါသဖြစ်ရင်၊ ပထမဦးဆုံး သူ့ကို့ သိရှိခြင်းနဲ့ အသိအမှတ်ပြုလိုက်ပါ။ သိပြီဆိုရင် နောက်တစ်ဆင့် အနေနဲ့ ဖြစ်ပေါ်နေတဲ့ဒေါသစိတ်ကို တုန့်ပြန်မှုမပြုပဲ ဥပက္ခါပွားရမှာပါ။ ဒီလို ဒေသစိတ်ဖြစ်တိုင်း ဥပက္ခနဲ့ပဲ နေမယ်ဆိုရင် ဒေါသစိတ်ဟာ တစ်ဖြည်းဖြည်းပါးပါးသွားမှာ ဖြစ်ပါတယ်။ ဒီလိုပဲ တခြား ကိုယ်ပယ်ချင်တဲ့ စိတ်ခံစားချက် ပိတ်ဆို့တာတွေကိုလည်း သတိ ဥပက္ခါနဲ့ ဖယ်ရှားသွားနိုင်ပါတယ်။
ပါးကိုက်ရင် နားကိုက်မယ်
ဒီစာကြောင်းကတော့ တူညီတဲ့ တုန့်ပြန်မှုကို ပြန်ပေးမယ်လို့ ဆိုလိုပေမယ့် ကောင်းတဲ့ အဓိပ္ပါယ်နဲ့ သုံးတာ မတွေ့သလောက်ပါပဲ။ သူက စိတ်ပုတ်ရင် ကို က ပို ပြီး ကောက်ကျစ်ပြမယ် ဆိုတဲ့ သဘောပါ။ ဒီလို ပြန်ပြီးလက်တုန့်ပြန်လိုက်ရတာဟာ မျှတတယ်လို့ ထင်ရပေမယ့် ကိုယ့်ဆီက ဆုံးရှုံးသွားတာ ဖြစ်ပါတယ်။ တစ်ဘက်လူရဲ့ မကောင်းတဲ့အကျင့်ကိုကိုယ်က သွားလိုက်ပြီး အတုယူတာပါပဲ။
နှစ်သစ်မှာ
ဒီလို နှစ်သစ်ရောက်တဲ့ အချိန်မှာ
အပေါ်ကပြောခဲ့သလိုပဲ ကိုယ့်စိတ်မှာပိတ်ဆို့နေတဲ့ အရာတွေကို ရှာပြီး ဖယ်ရှားသွားပါမယ်။
ရုပ်ပိုင်းဆိုင်ရာအနေနဲ့လည်း တစ်ပိုင်တစ်နိုင် လုပ်ငန်းနဲ့ အလုပ်လေးတွေကို လုပ်သွားပါမယ်။ တစ်ပိုင်တစ်နိုင်ဆိုတာကတော့ ကိုယ့်လုပ်ငန်းက ကိုယ်ကိုင်တွယ်နိုင်နှင်းတာမျိုးကိုဆိုလိုတာ ဖြစ်ပါတယ်။
တိုးတက်မှု အနေနဲ့တော့ ဒီနှစ် အစမှာပဲ ဧကဝက်ရှိတဲ့ခြံမှာ ထောပတ်စိုက်ဖို့ ရေကန်စပြီးဆောက်ဖြစ်ခဲ့ပါပြီ။ ရေကန်ကတော့ရေကားတစ်စီးစာ ဆယ်ပီပါထည့်လို့ရပါတယ် ဒီမိုးဦးမှာ အပင် ၃၀ စိုက်မှာပါ။ စားဖို့နဲ့ပိုတာကိုရောင်းဖို့ပါ။
အပင်တွေကိုရေပေးဖို့ ပိုက်ချသွားမှာဖြစ်ပြီး အလိုအလျောက် ရေ လောင်းစနစ် တပ်ဆင်သွားမှာပါ။
နောက်တစ်ခု ဒီနှစ်မှာ လုပ်ဖြစ်တာက အင်္ဂလိပ်စာလေ့လာ သင်ယူသူတွေအတွက် YouTube channel လေးပါ။ အင်္ဂလိပ်စာလုံး သင်ခန်းစာတွေနဲ့ စထားပြီး နောက်ပိုင်းမှာ English စာဖတ်ခန်း၊ grammar နဲ့ usage စတာတွေပါမှာမို့ စိတ်ဝင်စားလေ့လာချင်သူတွေ Like & Subscribe လုပ်ထားပေးပါ။
https://youtube.com/playlist?list=PLgxC0U5N2egRTaB4dS-52RduKmaKQMQ6e&si=WxtWWRR4bjnMXOxb
နှစ်သစ်အတွက် နောက်ထပ် plans တွေရှိပါသေးတယ်။ နောက်မှ ဆက်ရေးပါမယ်။
အားလုံးကျန်းမာ ချမ်းသာကြပါစေ။
@princekham
7th Jan 2024
Myanmar
