ဒီနေ့တကယ့်ကိုလှတဲ့ paper basket တစ်ခုပြုလုပ်ထားပါတယ်။ ဒီတစ်ခုကို အရွယ်တူစက္ကူခေါက် 12 ခုကိုအသုံးပြု၍ ပြုလုပ်ပါတယ်။ လက်ကိုင်တစ်ခုပါရှိပြီး၊ ထိုအပေါ်မှာ ပန်းတစ်ပွင့်ဖြင့်အလှဆင်ထားပါတယ်။ ဒါကိုဘယ်လိုပြုလုပ်ရမလဲဆိုတာ ပုံများဖြင့် အဆင့်ဆင့်ဖော်ပြထားသလို စာလည်းရေးပြထားပါတယ်။ လိုအပ်တာတွေက ရောင်စုံစက္ကူ၊ကတ်ကြေး၊ကော်၊ခဲတံ၊ပေတံစသဖြင့်ပါ။
ပထမအဆင့်မှာ ပန်းရောင်နဲ့အပြာရောင်စက္ကူအပိုင်းများကို 10cmဖြင့် အလျားအနံတူညီစွာဖြတ်ပါတယ်။ ထိုစက္ကူကို တစ်ဝက်ခေါက်၍ မျက်နှာချင်းဆိုင်ထောင့်နှစ်ခုကို အလယ်မှတ်သို့ခေါက်ရမှာပါ။ ထိုစက္ကူကိုတစ်ဘက်သို့လှည့်၍ အနားနှစ်ဘက်ကို အလယ်မျဥ်းသို့ခေါက်ပြီးနောက် အနားတစ်ဘက်ရဲ့အစွန်းကို အတွင်းသို့ခေါက်ပါတယ်။ အနားတစ်ဘက်စီကိုလည်း ခေါက်၍အစွန်းကိုအတွင်းသို့ထပ်မံခေါက်ပါတယ်။ ဒီအဆင့်မှာ ထိုစက္ကူခေါက်ကိုတစ်ဝက်ခေါက်ရမှာပါ။ ထိုနည်းအတိုင်း အပြာရောင်စက္ကူခေါက် 8ခုနဲ့ပန်းရောင်စက္ကူခေါက် 4ခုပြုလုပ်ပါတယ်။ ထိုစက္ကူခေါက်သုံးခုစီကိုအတူတကွကော်ကပ်၍ သူတို့ကိုထပ်မံကော်ကပ်ပြီး အနားနှစ်ဘက်ကိုဆက်ပါတယ်။ အောက်ခြေမျက်နှာပြင်နဲ့ အတွင်းဘက်မှမျက်နှာပြင်တို့မှာ အခြားစက္ကူဖြင့်ကော်ကပ်ရမှာပါ။
handle အတွက်အစိမ်းရောင်စက္ကူကိုခေါက်၍ box ရဲ့ အနားတစ်ဘက်စီမှာကော်ကပ်ပါတယ်။ ပန်းအတွက် အရွယ်တူအပြာရောင်စက္ကူအပိုင်းများဖြတ်၍ အနားနှစ်ဘက်ကို ကော်ကပ်၍ဆက်ပါတယ်။ စက်ဝိုင်းပုံစံစက္ကူအပိုင်းတစ်ခုပေါ်မှာ သူတို့ကို ပုံအတိုင်း ကော်ကပ်တယ်။ အနီရောင်စက္ကူအပိုင်းတစ်ခုဖြတ်၍ တစ်ဝက်ခေါက်ပြီး အနားတစ်ဘက်မှာ အပိုင်းငယ်များထပ်မံဖြတ်ပါတယ်။ ဒါကိုပန်းပုံစံခေါက်၍ အဆုံးမှာကော်ကပ်ရမှာပါ။ ဒါကိုအပြာရောင်ပန်းမှာ ထပ်မံကော်ကပ်ပါတယ်။ ထိုပန်းပွင့်ကို handle မှာအလှဆင်ပါတယ်။
ထိုခြင်းလေးက တကယ့်ကိုလှပပြီး နှစ်သက်စရာပါ။ အသုံးလည်းဝင်ပါတယ်။ ပုံလှလှလေးတွေလည်းရိုက်ထားပါတယ်။
January 15, 2024
Written by @asterkame
By my photos & made by me
