我唔愛車，不過我照顧車。再加上，車有左年紀，照顧方式都會唔同。以前有個老亨真係愛車人，五油三水準時換，輪胎定位平衡每一萬調位一次。每四萬，冇論有花冇花，準時換胎。每日起身過水抹車，一個禮拜洗車一次，有落雨用車再洗一次。有咩傷風感冒既刻換件修整，絕對冇話慳錢留用舊件。架車渣左十幾年都仲好似新車噉。到賣車個日先發覺，原來隔離果部錢七，同佢果部“新車”收車價完全一樣🤣 乜唔系車王可以收高啲咩？嗱，俾多五舊你，同我躝屍趌路。